Choose An Activity!!

I det siste så har eg ikkje skrive spesielt mykje treningsdagbok, berre det mest nødvendige (og som regel heng eg etter ei veke med noteringa), og berre latt Endomondo registrere treninga.

Tidlegare så har eg brukt Sports-Tracker-app'en, og den har fungert veldig bra til å registrere treninga, spesielt løpeintervall.
Endomondo derimot, har ei veldig mykje bedre heimeside, mens eg synst app'en er berre heilt grei.
Dessutan diggar eg at det er så mange venner og bekjente/medbloggarar å finne på Endomondo, det er moro det! Og inspirerar!
Tidlegare så har eg brukt enda ei anna webteneste til å loggføre trening, og spesielt, til å lage løyper og lagre høgdeprofiler.
Det er mapmytri. Den finst også som mapmyfitness, mapmyrun, mapmybike, osv.


For moro skyld, og for å samanlikne app'ane, så skulle eg legge inn ei treningsøkt der. Og kva fann eg?
"Dog Walk"som eigen kategori.!
Kult, for det treng eg ganske ofte:

Choose An Activity! Dog Walk - check.

Eg skulle berre ha tall på kor mange dog walks eg har tatt sidan årskifte 2000/2001, det var da eg fekk Binna, og eg har nok gått tur omtrent dagleg, med få unntak...
Når eg først bladde litt nedover lista, fann eg utruleg mange aktivitetar:

Tenk om eg om nokre år kunne huka av alle aktivitetane på denne lista? Det hadde vore tøft, det!!!

Med så mange valgmulighetar kan ein vel ikkje klage på at ein ikkje finn noko treningsform som passar. 

Eg lot meg inspirere litt - samtidig som  eg trengte å styrke kroppen litt - men ikkje med klassisk styrketrening, men som ein "hike - hills - medium pack" - altså tur med sekk:

Choose An Activity!

Eg hadde 10kg i sekken og det var passe - tenker at det ikkje kjendest tungt, men eg vil heller starte sakte og så auke litt - kanskje med så lite som 1kg i veka eller noko slikt.

Det finst nok ikkje noko valg for "Hike - Medium Pack (10kg) - Dog (38kg) så eg laga min eigen:

Min eigen skreddersydd aktivitet.

Ovanfor er det forøvrig eit manipulert screenshot, dessverre så går det ikkje an å lage sine eigne kategoriar. Så det heile blei loggført med Endomondo.
Endomondo har forresten veldig fin grafikk - samanlikna med Sports-Tracker i alle fall (og er dessutan ikkje basert på Flash Player, så du kan bruke Endomondo på nettbrett, det kan du ikkje med Sports-Tracker).

Dette var Dog Hike - Hills - Medium Pack - økta mi. Den var utruleg moro, ein skulle ikkje tru det, men eg trivdest der, med litt tung sekk, og hodelykt, Lukas kunne springe fritt i skogen (det var mørkt og då ser eg om det er folk i skogen frå lang avstand- og kan rope Lukas inn til meg så han ikkje overfallar turgåarar i rein begeistring).

Moro med ein liten "hike" med Lukas, og sekk i skogen. Også på ein vanleg måndagskveld i november!

Dagens antrekk

Eg kan av og til skjønne desse "fashionbloggarar" som legg ut "dagens antrekk" eller "dagens outfit".
Sjølv om eg ikkje kunne tenkt meg å berre blogge om mote.
Samtidig så kjenner eg meg litt igjen i korleis det er å bli glad av å ha på klær ein likar.

Dagens outfit.

Eigentleg så trur eg nemleg at eg har kanskje litegrann fordommar mot dei som bloggar om outfit, mote, interiør osv, fordi eg synst dei virkar så overfladiske.
Men det er kanskje ikkje så ille å vera overfladisk?
For det skadar jo ingen andre, eller?
Kunne det ikkje vera morsamt å legge ut "dagens antrekk" i bloggen her av og til?
For moro skyld?
Hmmm eg fann ut at eg måtte prøve dette der litt sjølv, for å finne ut om dette.
Så då gjorde eg det.

Det som var eigentleg mest interessant av "outfiten" (bortsett frå den pene hunden) er jo eigentleg lua, som eg laga sjølv, og som eg er så super fornøydd med, men så tok eg ikkje nærbilde av den. Og så tok heile den der dagens-outfit-lagre-bilde-klipp-og-lim-prosessen så lang tid (spesielt når PCen helst ikkje vil køyre fleire program samtidig) at eg gjekk litt lei undervegs.
Eg skulle jo sjølvsagt hatt med ordentleg navn på klærne, kor hen dei går an å få kjøpt, pris, osv, men som sagt, eg gjekk litt lei - og begynte å få dårleg tid.

Artig var det  - men eg står igjen med spørsmålet i meg "Koffor?"
Eg ville heller ha tatt for meg eitt plagg av gangen, og skrive ei lite vurdering av den, med tanke på kvalitet og bruksområde osv, det synst eg er meir moro å skrive om. Dessutan kjenner eg eit stikk av "skryt" når eg legg ut bilder av dyre klær (og Norrøna er neppe billig).
Men dei som kjenner meg veit jo at eg ikkje akkurat kastar pengar ut av vinduet, og kjøper masse ting heile tida, og at eg er opptatt av kvaltitet når eg først skal kjøpe noko.
(Eg er dessutan ein racer på jakt etter tilbod og rabatt, ei bivirkning av mange år som student :D).-

Men fasiten blir altså:

• eg blir neppe ein fashionbloggar
• det er litt moro å blogge om utstyr, men
• da skal det vera meir enn berre bilde + navn
• eg treng ein ny PC viss eg ikkje skal bruke fleire timer på bildebehandling
• "dagens antrekk" er ikkje så overfladisk som eg trudde, det tek tid å lage
• det er moro å vise fram fine klær eigentleg,
• spesielt når ein berre går rundt i joggebukse/turbukse/goretexsko/softshell- eller fleecejakke
• samtidig som det er rart
• å ikkje vera fashionbloggar betyr ikkje at ein ikkje kan blogge om dagens outfit
• aldri (ALDRI!) google på "fleece" + "Norrøna" + "pink" for då får du så mange treff på kult utstyr at det er heilt umogeleg å la vera å kikke litt på desse
• hadde eg hosta fram forskjellige dagens outfit som denne ovanfor, hadde eg blitt mange tusenlappar fattigare (og dei tusenlappane har eg ikkje ein gong :D) for Norrøna kostar flesk, sånn er det berre - men fine plagg er det jo (forresten så fekk eg jakka til 70% av halv pris, buksa er kjøpt med rabatt på den lokale Intersportbutikken, Janus ulltrøya kjøpt på "bui" i Øyfjell til nedsatt pris, skoene var halv pris, you get it :D)
• ==> eg trivst nok best å blogge om heilt andre ting enn dagens antrekk

Ellers?

Eg har faktisk greidd å løpe heile 3x gonger igjen den siste veka.

Eg har ikkje brydd meg om å vera motivert eller ikkje. 

Eg skulle berre ut og løpe - ferdig.

Ingen opplegg.

Det funka.

Endomondo eller Sports-Tracker app'ene fekk følge med undervegs.

Eg er også fortsatt i rute med The 30days plank challenge  - men om eg greier å fortsette med den, er litt tvilsamt, for 60sek virkar som den maksimaltida for meg for tida. Så 90sekund??? 120 sekund??? Hallo???

Planke - rett etter løpetur.

Men men - motivasjonen er der, så får me sjå!

Sightseeing (-running).

Det er jo ganske praktisk å ha med løpesko og treningstøy når ein er ute og reisar, for då kan ein jo ta ein liten hurtig-sightseeing og sjå dobbelt så mykje som om ein hadde gått.

Sjølv om ein kanskje er godt kjent med severdighetane der ein bur, så kan ein jo likevel ta seg ein løpetur dit (dei er jo verdige å bli sett, ikkje sant, severdige).
Og kanskje ein oppdagar noko nytt på løpeturen?

Dei siste dagane har eg mest løpt på kvelden når det var mørkt, og då var det eigentleg godt å løpe og sjå på kjente severdighetar.
Sjøormtårnet for eksempel.

Tårnet er godt belyst.
Vegen dit går gjennom våtmarksområde, og ein går/løper tørrskodd på såkalla "kloppar".
Kjekt underlag å løpe på forresten. Faktisk ikkje glatt.

Eg tok ikkje bilder av tårnet frå utsida, men her står det meir informasjon om tårnet. Nettsida er forresten laga av elevar på ungdomskulen, og dei har laga ein tøff logo av sjøormen:

Trappane i tårnet er jo ei ekstra utfordring:
Løpe rundt fortast mogleg utan å bli svimmel. For tårnet er ikkje så stort i grunnflata. Det går tre eller fire trappetrinn og så skiftar ein retning.

Dette er sett ovanfrå ned. Mange etasjar!

Eg håpa på at GPSen skulle registrere min plutselege vertikale stigning, men det var ikkje så veldig merkbart på høgdeprofilen etterpå...

Lukas på tårnet - like blid som alltid 

Etter løpeturen var det tid for planke-challengen, som virkeleg visar seg å vera ei utfordring.
Sjølvdisiplinen min ikkje er så god for tida.
Men om eg ikkje er så disiplinert for tida, så er eg i alle STA nok til å halde på med denne.
For å motivere meg sjølv tek eg bilder av denne akk så slappe planken min av og til.
Her for eksempel, får eg god assistanse av Lukas:

Dog-assisted plank exercise, home edition.

Eg hoppa over planken i går, men tok den att i dag.
Så challeng'en blir nok lengre enn 30dagar.

Forresten så ser det ut på bildet som eg har digre skuldermusklar på bildet, men det er dessverre ikkje tilfellet, det er nok lyset som fallar inn litt på skrå. Men det hadde vore kjekt med slik veldefinerte skuldermusklar!
Kanskje får eg dei etter 30 dagar ???