Klatring/Buldring

Då eg var 24år dreiv eg i eit par år ganske aktivt med innandørs sportsklatring, og blei fort hekta.
På ein klatrevegg er utfordringane mange, og konkurranseinstinktet kan bli trigga voldsamt!
Det førte hos meg til at eg faktisk tok ein andreplass i ein klatrekonkurranse, og blei kun slått av ei jente som hadde lengre armar enn meg og derfor og greidde å berøre eit punkt lenger oppe i veggen, men på ingen måte greidde å klatre lenger opp enn det trinnet eg hadde kome til!
Så det så! :D

Min klatreerfaring ute begrensar seg til dags dato til ei klatrehelg i det berømte klatreområde Sächsische Schweitz i  Elbsandsteingebirge (norsk: sandsteinsfjella ved Elben) søraust i Tyskland på grensa mot Tsjekkia, og også litt buldring i Norge.
Men den erfaringa har eg lyst til å utvide etterkvart!
"Barbarine" i Sächsische Schweiz ("Sachsen-Sveits")
med eit av dei typiske fjellnålene av sandstein.
I Elbsandsteingebirge er det ikkje lov å bore bolter i fjeller eller legge sikringar av metall, så her er det berre faste sikringsringar ein får bruke, og dessutan slynger og knuter av tau.

Eg har ein bror som er ein veldig dyktiv og aktiv klatrar, og søker utfordringar både i klatrehallen såvel som i Alpane og i Kroatien gjennom fleire taulengder.
Flinke broren min!
Så mykje av motivasjonen min for å bli meir aktiv innan klatring er å bygge meg opp erfaring og ferdighetar slik at eg nokolunde skal kunne halde fylge med den spreke broren min på klatreturar.
Eg har tatt fram og børsta støvet av mine gode gamle klatresko!
Her i Midt og Vest Telemark manglar det ikkje på etablerte klatreområde, og her i Seljord er det område med stort potensiale, både for buldring og klatring.
Ein av to boltar eg fann i fjellet her i Seljord. På Bringsåsnuten.
Så kanskje kan eg få slått meg saman med likesinna klatreentusiastar og få etablert nokre klatrefelt her etterkvart?
Så lenge får eg boltre meg med buldring på eige hand. Sånn 50cm over bakken og med Lukas som tilskuer...

Det er meir enn nok utfordringar å klatre sidelengs
også om det berre er 50cm over bakken.
Det skjønner kanskje berre den som har prøvd buldring?
Eg får vise fram nokre smakebitar av fjellveggar eg har oppdaga her i området.
Potensialet er ganske stort trur eg.
Vakre fjell er det mykje av!
"Gulfeberveggen" kalla eg den pga den gule laven.
Dette var også ein fin vegg.
Mange gode naturlege klatregrep her altså!
Friksjonsklatring anyone?
Rissklatring her kanskje?
Lukas blei sliten av alle dei bratte veggane.
Deileg med tørre fjell i solskin!

Nokre etablerte klatreområde i Telemark:

Bø i Telemark (klatregruppa i Bø har oversikt, her)
Nissedal
Fyresdal
Rjukan (kjent for isklatring)

Klatrefører for Telemark frå 2007:
Klatrefører for Telemark som dekker 22 klatrefelt og 5 buldreområder, fra Rjukan i nord til Porsgrunn/Skien området i sør.
Blant anna: Våer (Rjukan), Bolkesjø, Tveiten, Gygrestolen, Uvdal, Choppingsenteret, Pornocragget, 17. mai cragget, Espedalen, Skoe, Erikstein, Carlsberg, Flåveggen, Hemmelighetsveggen, Løveid, Ramberget, Avfallsveggen, Trettarberget, Grenlandsbrua, Lerstang, Valle, Hvarnes. I tillegg 5 buldreområder: Nissedal, Notodden, Erikstein, Breisås, Gvålaåsen.
Føreren kan du bestille her på klatreinfo sine nettsider, her.

Og så har me:
Om klatring i Sør-Norge: Hægefjell, Fyresdal og Nissedal, skrive av Götz Wiechmann, på norsk og tysk.

Andre nyttige lenker:

Norsk Klatring
merklatring
Fjellboka.no, "fra fjell til ord", skriv bl.a. om klatring på Hægefjell i Nissedal her
Klatreinfo
"På tur med Olsen" ein blogg om klatring, her finn ein også lenker til andre klatrebloggar.
Fjellfører ("Faktablogg, om turer/ruter, føremeldinger, ideer, tips, utstyr og hva det enn måtte være om fjellet")
OSI Fjell (Studentgruppe for fjellsport og friluftsliv ved Universitetet i Oslo)

(det er nok fleire lenker som kjem her etterkvart).

Ingen kommentarer:

Legg inn en kommentar